У дадзенай Пастанове Брэсцкаму гарвыканкаму прадпісвалася вылучыць адпаведны будынак пад музей і 65 тысяч рублёў на неабходныя выдаткі. 14 верасня 1948 г. рашэннем Брэсцкага гарадскога выканаўчага камітэта музею быў перададзены будынак Крыжаўзвіжанскага касцёла па вул. Леніна, 34 (пабудаваны ў 1856 г.).

У красавіку 1950 г. былі зацверджаны штаты абласнога гісторыка-краязнаўчага музея, на працягу года праводзіўся рамонт будынку, падрыхтавана музейнае абсталяванне, супрацоўнікі сабралі больш за 200 музейных прадметаў, а таксама арганізавана першая часовая выстава.

Открытие 1-й экспозиции краеведческогомузея. 1957 г.

1-я экспозиция музея. 1957 г.

Первые посетители в экспозиции музея. Зал «Родная природа» 1957 г.

У 1963–1964 гг. проводзіўся капітальны рамонт будынка і працавалі над стварэннем новай сталай экспазіцыі, якая была одкрыта ў 1965 г.

За гады карпатлівай навукова-даследчай працы, вывучэння гісторыі Брэстчыны, удзелу ў археалагічных і этнаграфічных экспедыцыях былі сфарміраваны многія калекцыі, якія леглі ў аснову новых экспазіцый і філіялаў. На сённяшні дзень агульная экспазіцыйная плошча музея складае 3913,8 м².

Першы філіял музея адкрыты ў 1960 г. у Камянецкай башні – унікальным помніку абарончага дойлідства 2-й паловы XIII ст.

У 1968 г. пачаліся археалагічныя раскопкі на тэрыторыі Берасцейскага гарадзішча (Гаспітальны востраў Брэсцкай крэпасці). Выяўленыя археолагамі пабудовы XIII ст. добра захаваліся і паслужылі асновай для стварэння новага музейнага аб’екта. Пастановай Савета Міністраў БССР ад 18 жніўня 1972 г. №658-р быў створаны новы філіял. У 1977 г. пачалося будаўніцтва музейнага павільёна для археалагічнага музея «Бярэсце». 2 сакавіка 1982 г. ён быў адкрыты для наведвальнікаў. Гэта сапраўды ўнікальны музей сярэднявечнага ўсходнеславянскага города.

Общий вид на раскоп в день открытия филиала «Археологический музей «Берестье». 1982 г.

Лысенко П. Ф. проводит 1-ю экскурсия в филиале «Археологический музей «Берестье». 1982 г.

У 1970–1980-я гг. у музейныя калекцыі пачалі паступаць цікавыя прадметы музейнага значэння, затрыманыя Брэсцкай мытняй пры спробе іх незаконнага вываза за мяжу. На аснове гэтых паступленняў створаны філіял «Выратаваныя мастацкія каштоўнасці». Ён быў адкрыты 4 лютага 1989 г. у будынку, якое з’яўляецца помнікам архітэктуры 1-й трэці XX ст.

У 1990 г. абласны краязнаўчы музей змяніў сваю прапіску. Яму быў выдзелены будынак па вул. К. Маркса, 60 конца XIX–пачатку XX стст., які ўключаны ў зону гістарычнай планіроўкі і забудовы г. Брэста. Пасля завяршэння рамонтна-рэстаўрацыйных работ 6 мая 1995 г. краязнаўчы музей адкрыўся выставай «Рэліквіі Вялікай Айчыннай», прысвечанай 50-годдзю Перамогі над фашысцкай Германіяй.

На працягу 70 гадоў у музеі вядзецца вялікая работа па вывучэнні гісторыі краю. Яго фонды шырока запатрабаваны вучонымі, студэнтамі, журналістамі і краязнаўцамі. Ён з’яўляецца метадычным цэнтрам для дзяржаўных і ведамасных музеяў вобласці.